Na defensa da Escola Concertada



Estimadas familias:

Con esta circular, queremos informarvos da nosa fonda preocupación pola nova lei educativa, a LOMLOE, máis coñecida como Lei Celaá, que se está a debater actualmente no Parlamento, en plena pandemia da COVID-19, cando as preocupación das familias e de toda a sociedade son outras moi distintas.

No canto de aprazar os debates da Lei a outro período máis oportuno, o Goberno preferiu aproveitar para celebrar a súa nova Lei, sen debate e sen consenso e introducir cambios de gran calado no seu articulado que dotan as administración de facultades cada vez máis amplas, desprazando a respoonsabilidade das familias como primeiras educadoras dos seus fillos.

De feito, a LOMLOE elimina a demanda social e permite distribuír o alumnado por centros, reducindo significativamente a capacidade de elección das familias do colexio que queren para os seus fillos, sendo este un dereito avalado pola Declaración Universal dos Dereitos Humanos. Ademais, esta lei devalúa o ensino da materia de Relixión na escola e pon en dúbida a supervivencia dos centros de educación especial, entre outros preocupantes aspectos.

A LOMLOE afecta a máis de 260.000 profesionais, docentes e non-docentes, que ven perigar a continuidade dos seus postos de traballo; aos 4 millóns de familias ás que se lles limita o dereito a elixiren o tipo de educación que mellor se adecúa ás necesidades dos seus fillos e ao proxecto educativo co que se identifican; a máis de 3 millóns de alumnos e alumnas, que elixen voluntariamente cursar a a materia de Relixión en centros públicos e privados; todo isto englobado en  máis de 9.300 centros da rede concertada e privada que ven perigar a súa continuidade e función social.

En definitiva, a LOMLOE afecta ao noso colexio, ao noso profesorado, ás nosas familias e ao noso alumnado, directamente, aféctanos a todos e a todas.

Por iso pedimos que vos sumedes á campaña que leva por título:

“Máis plurais, Máis libres, Máis iguais. Cara a unha escola realmente inclusiva, con todos e para todos

Na páxina web www.masplurales.es propóñense unha serie de iniciativas, como a recollida de sinaturas en contra a Lei Celaá e a prol da convivencia dos diferentes modelos educativos e dos dereitos recoñecidos na nosa Constitución.


Animámosvos a que asinedes o Manifesto de apoio á campaña e reiteramos a importancia da súa difusión. Precisamos un mínimo de 300.000 sinaturas.

No noso colexio, e seguindo o modelo de masplurales, decidimos sumarnos ás seguintes iniciativas propostas desde Escolas Católicas:

  • Asinar o manifesto que se encontra na páxina www.masplurales.es

  • Colocar un lazo laranxa na fachada do colexio.

  • Difundir o kit da campaña (cartelería, vídeo, lazos…) nas páxinas web, redes…

  • Animar á comunidade educativa a levar o lazo laranxa de forma visible e a difundir a campaña o máximo posible entre a sociedade.

  • Os mércores, o persoal do Centro e todos os que queirades sumaros a esta iniciativa, levaremos durante a xornada escolar unha máscara de cor laranxa.

Convidámosvos a colaborar nesta campaña porque a todos -familias, centros, docentes e alumnado- nos une o mesmo obxetivo: un sistema sistema educativo de calidade que contribúa a unha sociedade mellor, plural e inclusiva.

Grazas pola vosa colaboración.



981 26 26 06

Av. Calvo Sotelo 41 - C.P. 15004 - A Coruña

© 1971 - 2020 COLEGIO PLURILINGÜE  FRANCISCANOS CORUÑA