O Concello da Coruña pon en funcionamento un ano máis a Tenda Solidaria de Nadal. Entre os días 10 de novembro e o 5 de xaneiro funcionará o servizo municipal de recollida e entrega de xoguetes do Nadal.
Como colaborar con esta iniciativa?
Durante as datas sinaladas, un servizo municipal de recollida almacenará e entregará, as doazóns desinteresadas de xoguetes destinados a nenos e nenas de ata 14 anos. Todo con carácter gratuíto.
Que pretende esta iniciativa?
Desexamos fomentar a economía circular e a reutilización de xoguetes co obxectivo da redución do consumo de materias primas e a diminución da pegada de carbono na súa produción.
Localización da Tenda Solidaria de Nadal:
Rúa Juan Flórez, 104
Consultar os amplos horarios na web municipal.
Para máis información pode chamar ao 981 18 98 20 ou ao teléfono de información do concello 010.